Basomingera yahawe inshingano nshya mu kigo Nyafurika cy’ubwenge buhangano
Candy Basomingera wahoze ari Umunyamabanga wa Leta muri Minisiteri ya Siporo, yagizwe Umuyobozi ushinzwe imikoranire n’iterambere mu muryango AI Skills and Compute Africa Foundation (AISCA Foundation) ugamije guteza imbere ibikorwa remezo by’ubwenge buhangano, ubushobozi, n’amahirwe muri Afurika yose.
Ku wa 14 Nzeri 2026, AI Skills and Compute Africa Foundation (AISCA Foundation) yatangaje binyuze ku mbuga nkoranyambaga zayo ko Candy Basomingera yagizwe Umuyobozi ushinzwe Imikoranire n’Iterambere, mu gihe Scovia Achan yagizwe Machine Learning Engineer muri uyu muryango.
Basomingera azayobora AISCA Foundation mu guhuza abafatanyabikorwa mu karere ndetse no gufasha mu gushyira mu bikorwa gahunda za AISCA Houses & Studios.
Uyu muryango wavuze ko Basomingera afite ubunararibonye mu buyobozi ndetse n'ubucuruzi yakuye mu nzego za Leta ndetse no mu zindi nshingano mpuzamahanga.
Candy Basomingera yabaye Umunyamabanga Uhoraho muri Minisiteri ya Siporo mu Rwanda (MINISPORTS), yahoze ari Umuyobozi Mukuru wungirije muri Rwanda Convention Bureau (RCB) ndetse yanabaye Umuyobozi imenyekanishabikorwa n'itumanaho muri MINAFFET, gusa azwi cyane nk'umwe mu bagore bashinze inzu y'imideli no guhanga imyenda ya Haute Baso.
Afite impamyabumenyi y'icyiciro cya kabiri cya kaminuza (Bachelor's Degree) mu Nyanja y'Umubano n'Iby'Ibihugu (International Relations) yakuye muri London Metropolitan University yo mu Bwongereza.
Candy Basomingera yagizwe umuyobozi mu kigo Nyafurika cyita ku by'ubwenge buhangano
Scovia Achan wagizwe Machine Learning Engineer muri AISCA Foundation, aho Candy Basomingera agiye gukora