Amakuru asobanutse mu ngeri zose!
Igitangazamakuru gikora kinyamwuga, kigamije kukugezaho amakuru y'ibanze mu buryo bwihuse kandi bwizewe mu gushyigikira iterambere ry'u Rwanda n'Abanyarwanda.
Perezida wa Repubulika y’u Rwanda, Paul Kagame, yageze i Dakar muri Senegal kuri uyu wa Gatandatu, tariki ya 31 Ukwakira 2026, aho yitabiriye ibirori byo gutangiza Imikino Olempike y’Urubyiruko ya Dakar 2026, ibaye iya mbere mu mateka y’imikino Olempike kubera ku mugabane wa Afurika.
Dushime Noëlla na Ngabe Rutagarama bashyikirijwe ku mugaragaro inshingano nshya muri Irembo Ltd, mu muhango wabaye kuri uyu wa Gatanu, tariki ya 30 Ukwakira 2026, aho iki kigo cyanashimiye Israël Bimpe wari umaze imyaka isaga ine akiyobora.
Perezida wa Repubulika y’u Rwanda, Paul Kagame, yakiriye indahiro z’abayobozi bashya kuri uyu wa Gatanu, tariki ya 30 Ukwakira 2026, nyuma y’impinduka ziherutse gukorwa mu nzego zitandukanye z’ubuyobozi bw’igihugu.
Abofisiye 76 bo mu Ngabo z’u Rwanda (RDF), Polisi y’u Rwanda (RNP) n’Urwego rw’Igihugu rushinzwe Igorora (RCS), basoje amahugurwa y’ibyumweru 22 agamije kubongerera ubushobozi bwo kuyobora ingabo, gutegura ibikorwa bya gisirikare no gufata ibyemezo mu nshingano zabo.
Umuhanzi akaba n’umunyamakuru Yago Pon Dat yasabye imbabazi mugenzi we Bruce Melodie, mu butumwa yashyize ku mbuga nkoranyambaga, agaragaza ko nubwo hagati yabo hashobora kubaho kutumvikana, atifuza ko byahungabanya umubano bafitanye.
Alphabet, ikigo gifite Google, cyatakaje agaciro karenga miliyari 500 z’amadolari ya Amerika ku isoko ry’imigabane mu munsi umwe, nyuma y’uko bigaragaye ko uburyo bushya bwo gushakisha amakuru hakoreshejwe ubwenge buhangano bugira ingaruka ku mafaranga cyinjiza mu kwamamaza.
Abakora ibijyanye no gutunganya amashusho kuri YouTube mu Rwanda bashobora kubona amahirwe yo kwinjira muri gahunda yo kwishyurwa n’uru rubuga, mu biganiro biteganyijwe guhuza MINICT na Google.
Nyuma y’imyaka myinshi Apple idashyigikira igitekerezo cyo gushyira ekara ikorwaho n’intoki muri MacBook, yashyize hanze mudasobwa nshya ya MacBook Pro ifite ubwo buryo n’irindi koranabuhanga ritandukanye.
Umukinnyi wa filime wamamaye nka Lucious muri ‘Empire’ yatangaje ko ashobora kwinjira muri politiki agaharanira kuyobora Leta Zunze Ubumwe za Amerika, anagaragaza ibibazo yifuza gushyira imbere.
Duane ‘Keffe D’ Davis, wakatiwe igifungo cy’imyaka 40 kugeza kuri burundu, yimuriwe muri gereza ya High Desert State Prison nyuma yo guhamwa no kugira uruhare mu rupfu rw’umuraperi Tupac Shakur.
Ubuyobozi bwa Rayon Sports bwakebuye abanyamakuru n’ibitangazamakuru kwitwararika mu gutangaza amakuru yerekeye iyi kipe bubasaba kwirinda gukwirakwiza amakuru atari yo.
Umunyamideli n’umushabitsi Kim Kardashian yahawe amahirwe yo kwambara urunigi rw’agaciro gakomeye rwigeze gutunga umukinnyi wa filime Elizabeth Taylor, mu gikorwa cyabereye mu bubiko bw’imitako ya Bulgari i Roma mu Butaliyani.
Dr. Abdallah Utumatwishima yasangije urubyiruko isomo yakuye mu rugendo rwe rwo gushaka kujya mu Nama Njyanama y’Akarere ka Musanze, agaragaza ko kuyobora abaturage bisaba kubanza kumva ibyo bakeneye aho kwibanda ku bitekerezo umuntu yizaniye.
Amatora y’Abadepite yabereye muri Israel ku wa 27 Ukwakira 2026 yasize Minisitiri w’Intebe Benjamin Netanyahu n’ihuriro ry’amashyaka amushyigikiye batabonye ubwiganze bwo gushyiraho Guverinoma.
Papa Leo XIV yatoreye mu matora y’abagize Inteko Ishinga Amategeko ya Leta Zunze Ubumwe za Amerika akoresheje urupapuro rw’itora rwoherezwa mu iposita, aba Papa wa mbere mu mateka mu matora y’iki gihugu.
Umujyi wa Kigali wafashe icyemezo cyo gufunga by’agateganyo inyubako eshanu zikorerwamo ibikorwa by’ubucuruzi, nyuma yo gusanga zitujuje ibisabwa mu kwirinda inkongi z’umuriro, bikaba bishobora gushyira ubuzima bw’abantu n’imitungo yabo mu kaga.
Abantu 69 ni bo bamaze kwemezwa ko bahitanywe n’impanuka ya gari ya moshi ebyiri zagonganye muri Espagne, mu gihe Minisitiri w’Ubwikorezi, Óscar Puente, yatangaje ko atazegura nubwo hari abamusaba kuva ku nshingano kubera iyi mpanuka.
Binance, urubuga runini ku Isi rwo kuguriraho no kugurishirizaho amafaranga y’ikoranabuhanga, rwatangaje ko rwibasiwe n’igitero cyagize ingaruka ku mutungo ufite agaciro ka miliyari 6,3 z’amadolari ya Amerika, ariko rwizeza abakoresha serivisi zarwo ko ruzishyura igihombo cyose cyatewe n’iki gitero.
Impuzamashyirahamwe y’Umupira w’Amaguru muri Afurika (CAF) yafashe icyemezo cy’uko Igikombe cya Afurika cy’ibihugu kizongera kujya gikinwa buri myaka ibiri, isubiraho gahunda yari yarashyizweho yo kujya kigikinwa buri myaka ine.
Umuhanzi w’icyamamare wo muri Tanzania, Diamond Platnumz, yemeje ko afite indirimbo nshya yakoranye n’Umunyarwanda The Ben, avuga ko izagera hanze vuba cyane. Aya makuru atangajwe mu gihe bombi bageze muri Uganda, aho bitegura kuririmba mu gitaramo cyo kwizihiza imyaka icumi ya Comedy Store Uganda.
Cristiano Ronaldo yatsinze ibitego bitatu mu minota 15, afasha Al Nassr gutsinda Al Kholood ibitego 5-3, anagera ku bitego 985 mu buzima bwe bw’umupira w’amaguru, aho asigaje 15 ngo yuzuze 1.000.
Umukinnyi w’icyamamare muri sinema, Sir Patrick Stewart, wamamaye muri filime za Star Trek na X-Men, yitabye Imana afite imyaka 86, nyuma yo kumara igihe gito ahanganye n’indwara ya Alzheimer n’iya Lewy Body Dementia.
Umugaba Mukuru w’Ingabo za Uganda, Gen Muhoozi Kainerugaba, yatangaje ko igihugu cye cyatangiye gukura ingabo zacyo muri Somalia, nyuma y’imyaka igera kuri 20 zifatanya n’izindi ngabo mu bikorwa byo kugarura amahoro n’umutekano muri icyo gihugu.
Sena y’u Rwanda yemeje abayobozi barindwi bagiye gukora mu nzego zitandukanye, barimo Claudette Mukashyaka wagizwe Umugenzuzi Mukuru w’Imari ya Leta, nyuma yo gusuzuma ubumenyi, ubunararibonye n’ubushobozi bwabo mu kuzuza inshingano bashinzwe.
Abantu nibura 14 bishwe, abandi 14 barakomereka nyuma y’uko indege y’intambara itagira umupilote y’u Burusiya igabye igitero kuri sitasiyo nkuru ya gari ya moshi mu Mujyi wa Dnipro, hagati muri Ukraine, mu gihe abagenzi bari bategereje gari ya moshi.
Abanyarwanda 251 batashye bavuye muri Repubulika Iharanira Demokarasi ya Congo (RDC), bakirirwa mu turere twa Rubavu na Rusizi. Bamwe bahise bajyanwa mu kigo cy’agateganyo, abandi bahabwa ikaze banasabwa kwifatanya n’Abanyarwanda mu bikorwa by’iterambere.
Ingabo za Iran zatangaje ko amato atatu atwara peteroli yagonze ibisasu byo mu mazi mu Muyoboro wa Hormuz, agaturika agashya, nyuma yo kugerageza kunyura mu nzira zitari zemewe. Aya makuru ntarashobora kwemezwa n’inzego zigenga.
Christine Lagarde yatangaje ko azava ku buyobozi bwa Banki Nkuru y’u Burayi mbere y’uko manda ye irangira, avuga ko ashaka kugira ubwisanzure bwo gutanga ibitekerezo ku bibazo bitari ibijyanye na politiki y’ifaranga. Gahunda yo gushaka uzamusimbura yamaze gutangira.
Minisitiri w’Ububanyi n’Amahanga n’Ubutwererane, Amb. Olivier Nduhungirehe, yatangaje ko u Rwanda rudakwiye gukomeza kugirwa nyirabayazana w’ibibazo bya politiki n’umutekano bimaze imyaka myinshi muri Repubulika Iharanira Demokarasi ya Congo (RDC), ashimangira ko Abanye-Congo ari bo bafite inshingano z’ibanze zo kubishakira umuti.
Minisitiri w’Intebe w’u Rwanda, Dr Justin Nsengiyumva, yagaragarije urubyiruko rwitabiriye ihuriro ry’u Burusiya na Afurika urugendo rw’u Rwanda mu iterambere, ashimangira uruhare rw’abakiri bato mu kwimakaza ubumwe no kubaka ubukungu n’imibereho myiza birambye.
Rayon Sports yabonye intsinzi yayo ya mbere muri shampiyona y’icyiciro cya mbere y’umupira w’amaguru mu Rwanda y’uyu mwaka, itsinda Musanze FC ibitego 3-0, mu gihe Marine FC yafashe umwanya wa mbere naho Police FC igatsindwa na Al Merrikh SC.
Perezida Paul Kagame yavuze ko inyungu z’ubwenge buhangano zizagenda ziyongera mu gihe buri wese azagira ijambo mu kugena ahazaza h’iri koranabuhanga, ashimangira ko hakenewe ibisubizo bifatika bituma iterambere ryaryo rigirira akamaro abantu bose.
Nyuma yo kugera ku bikorwa 115 byo gusimbuza impyiko byakorewe mu gihugu, u Rwanda rwatangiye imyiteguro yo gutangiza ubuvuzi bwo gusimbuza umwijima, ku bufatanye n’inzobere zo muri Turukiya, kugira ngo abarwayi babone ubu buvuzi batagombye kujya kubushakira mu mahanga.
Polisi y’u Rwanda yungutse abapolisi bashya 1.652 basoje amahugurwa y’ibanze y’icyiciro cya 22, mu muhango Minisitiri w’Umutekano mu Gihugu, Dr. Vincent Biruta, yabasabiyemo gushyira imbere gukumira ibyaha aho gutegereza ko biba kugira ngo babikurikirane.
Leta y’u Rwanda n’ibindi bigo bitatu byasabye KT Corporation yo muri Koreya y’Epfo indishyi za miliyoni 386 z’amadolari ya Amerika, mu makimbirane ashingiye ku masezerano y’imigabane mu mushinga w’umuyoboro wa 4G. Iki kirego ni igisubizo ku kindi KT yari yabanje gutanga, kandi nta ruhande rurafatirwa umwanzuro.
Komisiyo y’Igihugu y’Uburenganzira bwa Muntu yagaragaje ko ubucucike muri gereza zo mu Rwanda bwagabanutse bukagera kuri 101,2%, ariko hakaba hakigaragara ibibazo birimo abagororwa 2.944 barara hasi, abana 303 babana na ba nyina bafunzwe n’ubwiyongere bw’abajyanwa mu bigo by’igororamuco ry’ibanze.
Al Hilal yo muri Sudani, isanzwe ikina muri shampiyona y’u Rwanda, yatomboye guhura na Pyramids FC yatwaye igikombe cya Afurika mu mwaka w’imikino wa 2024/2025, mu matsinda y’irushanwa rihuza amakipe yabaye aya mbere iwayo ku mugabane wa Afurika.
Minisitiri w’Ubumwe bw’Abanyarwanda n’Inshingano Mboneragihugu, Dr. Bizimana Jean Damascène, yabwiye abagororwa bahaniwe kugira uruhare muri Jenoside yakorewe Abatutsi mu 1994 ko iyo batayikora, ijambo Jenoside ritari gukoreshwa mu Rwanda, anabagaragariza ko ubuyobozi igihugu gifite ubu butari gutuma bishora mu bwicanyi.
Umuraperi w’Umunyamerika Jay-Z yatangaje ko nta gitutu na gito afite cyo kuzataramira abantu babarirwa muri za miliyoni mu gitaramo cyo kuruhuka hagati y’ibice by’umukino wa nyuma wa shampiyona ya American Football, uzwi nka Super Bowl, uteganyijwe ku wa 14 Gashyantare 2027.
Minisitiri w’Intebe w’u Rwanda, Dr. Justin Nsengiyumva, yageze i Moscow mu Burusiya, aho yagiye guhagararira Perezida Paul Kagame mu nama ya gatatu ihuza u Burusiya n’ibihugu bya Afurika, iteganyijwe ku wa 28 no ku wa 29 Ukwakira 2026.
Reba internet yawe, hanyuma wongere ugerageze.
Ongera ugeragezeFungura JavaScript kugira ngo ukoreshe urubuga rwose.
Subira ahabanza