Constantine yahisemo abakinnyi 24 b’Amavubi bazajyana muri Mali
Ishyirahamwe ry’Umupira w’Amaguru mu Rwanda (FERWAFA) ryatangaje urutonde rw’abakinnyi 24 b’Ikipe y’Igihugu, Amavubi, batoranyijwe kujya muri Mali, aho bazahurira n’ikipe y’icyo gihugu mu mukino wo gushaka itike y’Igikombe cya Afurika cy’Ibihugu (CAN 2027).
Uyu mukino uteganyijwe ku wa Gatanu, tariki ya 13 Ugushyingo 2026, kuri Stade du 26 Mars i Bamako, guhera saa tatu z’ijoro ku isaha y’i Kigali.
Abakinnyi batoranyijwe barimo kapiteni Djihad Bizimana, Ange Mutsinzi, Nshuti Innocent, Jojea Kwizera, Bonheur Mugisha na Fiacre Ntwari, mu gihe hari abandi batanu bari ku rutonde rw’agateganyo batagaragaye ku rw’aberekeza muri Mali.
Mu bakinnyi 29 bari bahamagawe ku rutonde rw’agateganyo, batanu ntibagaragaye ku rutonde rw’aberekeza muri Mali. Abo ni umunyezamu Mugisha Yves wa Rayon Sports, Ganjuru Elie Ishimwe na we wa Rayon Sports, Muhire Kevin ukinira Jamus SC yo muri Sudani y’Epfo, Mbonyumwami Taiba ukinira Ethiopian Coffee SC yo muri Ethiopia na Uwiyaremye Fidali wa APR FC.
Abakinnyi 24 batoranyijwe ni aba:
Abanyezamu: Niyongira Patient, Hakizimana Adolphe na Ntwari Fiacre.
Ba myugariro: Mutsinzi Ange, Niyigena Clement, Kavita Phanuel Mabaya, Nkulikiyimana Nganji Darryl, Manzi Thierry, Imanishimwe Emmanuel, Mickels Jacques Leroy, Niyomugabo Claude na Uwumukiza Obed.
Abakina hagati: Kwizera Jojea, Ruboneka Jean Bosco, Byiringiro Jean Gilbert, Mugisha Gilbert, Mugisha Bonheur, Bizimana Djihad, Hamis Hakim na Iradukunda Elie Tatou.
Ba rutahizamu: Nshuti Innocent, Biramahire Abeddy, Mickels Joy Lance na Mickels Joy Slayd.