Bosco Nshuti yamuritse album ya gatanu ‘Habwa Umugisha’ mu gitaramo cyabereye i Kigali
Umuhanzi w’indirimbo zo kuramya no guhimbaza Imana Bosco Nshuti yamuritse album ye ya gatanu yise “Habwa Umugisha” mu gitaramo cyabereye muri Kigali Serena Hotel.
Iki gitaramo cyabaye ku wa 19 Nyakanga 2026, Bosco amurikamo indirimbo umunani nshya ziri kuri iyo album, anasubiramo zimwe mu ndirimbo ze zakunzwe mu myaka ishize.
Habwa Umugisha yabaye indi ntambwe mu rugendo rw’imyaka 11 Bosco Nshuti yari amaze mu muziki wa Gospel mu Rwanda.
Igitaramo cyitabiriwe n’abakunzi b’umuziki wo kuramya no guhimbaza Imana ndetse n’abandi bahanzi ba Gospel barimo Arsene Tuyi, Christian Irimbere, Tonzi na Jado Sinza.
Bosco Nshuti yamenyekanye mu ndirimbo zirimo “Ibyo Ntunze” na “Ni Muri Yesu”, ndetse umuziki we ukaba warakomeje kubaka izina mu bihangano byibanda ku kwizera, ibyiringiro no gushimira Imana.