Minisitiri Nduhungirehe na mugenzi we wa Zambia baganiriye ku mubano w’ibihugu byombi

Ibanze · 20 Ukwakira 2026

Minisitiri w’Ububanyi n’Amahanga n’Ubutwererane w’u Rwanda, Olivier J.P. Nduhungirehe, yagiranye ibiganiro na Minisitiri w’Ububanyi n’Amahanga wa Zambia, Mulambo Haimbe, i Lusaka muri Zambia, nk’uko Minisiteri y’Ububanyi n’Amahanga n’Ubutwererane y’u Rwanda yabitangaje ku wa Kabiri, tariki ya 20 Ukwakira 2026.

Ibi biganiro byabereye ku ruhande rw’inama ya Komite y’Abaminisitiri yo mu Karere y’Inama Mpuzamahanga ku Karere k’Ibiyaga Bigari (ICGLR), yari yahuje abahagarariye ibihugu binyamuryango.

Iyi Minisiteri yavuze ko aba bayobozi baganiriye ku ngingo ebyiri z’ingenzi. Yagize iti: “Ibiganiro byibanze ku gushimangira umubano hagati y’u Rwanda na Zambia, ndetse no ku myiteguro y’inama ya Komisiyo Ihoraho Ihuriweho iteganyijwe mu 2027.”

Minisitiri w’Ububanyi n’Amahanga wa Zambia, Mulambo Haimbe, n’abagize itsinda rye mu biganiro n’intumwa z’u Rwanda.