Ishoramari: amakuru agezweho mu Rwanda no ku isi yose binyuze kuri IBANZE.com.
U Rwanda rugiye kongera imbaraga mu gukurura abashoramari mpuzamahanga, nyuma y’uko Urwego rw’Igihugu rw’Iterambere (RDB) rusinyanye amasezerano n’ikigo Raffles Family Office (RFO) cyo muri Aziya, agamije gushakira igihugu ishoramari rishya rya miliyoni amagana z’amadolari ya Amerika mu myaka iri imbere.
Urwego rw’Igihugu rushinzwe Mine, Peteroli na Gazi, RMB, rwibukije abafite impushya zo gucukura amabuye y’agaciro, gukora ubushakashatsi, gucuruza no gutunganya amabuye y’agaciro ko bagomba kubanza gusaba uruhushya mbere yo kwimura imigabane cyangwa impushya zabo.
U Rwanda na IMF baganiriye ku cyerekezo cy’ubukungu bw’igihugu, izamuka ry’ibiciro n’ingamba zo gukomeza guteza imbere ubukungu burambye no guhangana n’imbogamizi zishobora kubugiraho ingaruka.
Banki Nkuru y’u Rwanda, BNR, yamuritse Politiki y’Ifaranga n’Umutekano w’Urwego rw’Imari (Monetary Policy and Financial Stability Statement) igaragaza ko izamuka ry’ibiciro ku rwego rw’Isi riteganyijwe kwiyongera mu 2026, mbere y’uko ritangira kugabanuka mu 2027.
Minisiteri y’Urubyiruko n’Umuco, ku bufatanye na Minisiteri y’Ubucuruzi n’Inganda n’Ikigo cy’Igihugu cy’Iterambere, RDB, yagiranye ibiganiro n’ibigo by’itangazamakuru n’abakora iry’amajwi n’amashusho ku mikorere y’umuryango uzajya ucunga uburenganzira bw’ibihangano mu Rwanda.
U Rwanda na Kenya byasinye amasezerano 11 mashya agamije kwagura ubufatanye nzego zitandukanye z’ingenzi ku iterambere ry’ibihugu byombi.
Umushinga wo kwagura no kuvugurura Uruganda rutunganya amazi rwa Karenge ugeze kuri 60.9%, ukaba uzazamura ubushobozi bwarwo buve kuri meterokibe 12,000 bugere kuri 48,000 ku munsi. Amazi azatunganywa azafasha kongera serivisi i Rwamagana, mu Mujyi wa Kigali no mu bice bihegereye.
Umushinga wa miliyari 16$ wo kubaka uruganda rwa Dangote rutunganya peteroli i Lamu muri Kenya watangijwe ku mugaragaro, biteganyijwe ko ruzajya rutunganya utugunguru 700,000 ku munsi. Perezida Paul Kagame yahagarariwe muri uwo muhango na Minisitiri w’Ubucuruzi n’Inganda, Antoine-Marie Kajangwe, mu gihe u Rwanda rwamaze kugaragaza ko rushishikajwe no kugira imigabane muri uyu mushinga.
Sosiyete y’indege ya Qatar Airways, yohereje bamwe mu bapilote bayo bamenyereye gutwara indege zo mu bwoko bwa Airbus A330 gukorera by’agateganyo muri RwandAir, mu gihe iyi sosiyete yo muri Qatar yasezereye indege zayo za nyuma zo muri ubwo bwoko.
Ikigo Paramount Skydance cyateye indi ntambwe ikomeye mu rugendo rwo kwigarurira Warner Bros. Discovery, nyuma yo kumvikana na Leta ya California n’izindi 11 zo muri Amerika zari zaritabaje inkiko zisaba ko aya masezerano afite agaciro ka miliyari $110 ahagarikwa. Ubu bwumvikane burakuraho imwe mu nzitizi zikomeye zari zisigaye mbere y’uko igikorwa cyo guhuza ibi bigo byombi gisozwa.
Inama y’Abaminisitiri yemeje politiki nshya y’ubufatanye mu iterambere igenewe imyaka 25, izatuma u Rwanda rwibanda ku mishinga minini y’ishoramari ihindura ubukungu. Raporo ya RDB igaragaza ko mu 2025 hiyandikishije imishinga 799.
U Rwanda rugiye kugira uruganda ruteranya imodoka zikoresha amashanyarazi, nyuma y’uko Inama y’Abaminisitiri yemeje amasezerano y’ishoramari hagati ya Guverinoma y’u Rwanda na Chery Holding Rwanda Ltd. Uyu mushinga uje nyuma y’uko Chery yari imaze kwinjira ku isoko ry’u Rwanda, ikanafungura aho imurikira imodoka zayo i Kigali.
Umujyi wa Kigali watangaje ko ufite gahunda yo gutangira gukodesha inzu zo guturamo mu rwego rwo kugira ngo abaturage bakomeza kubona inzu bakodesha mu buryo budahenze.
Fitch Ratings yongeye kwemeza amanota B+ ku mwenda w’u Rwanda w’igihe kirekire mu mafaranga y’amahanga, igumana icyerekezo gihamye. Iteganya ko ubukungu buzakura ku kigero cya 7,8% mu 2026.
BRD yashyize ku isoko ry’imari rya Kigali igice cya gatatu cy’impapuro z’umwenda zifitanye isano n’iterambere rirambye, yakusanyije Frw miliyari 29,05 aho intego yari miliyari 23. Zifite inyungu ya 12,70% mu myaka 10.
MINICOM yatangaje ko Leta izashora Frw miliyari 10 mu bigo by’inganda bya Musanze, Rwamagana, Muhanga na Bugesera mu mwaka w’ingengo y’imari 2025-2026, ikora ibikorwa remezo fatizo.
Umushinga wo kuvugurura imiturire ya Nyabisindu mu Karere ka Gasabo wagenewe miliyari 62.9 Frw zo kubaka inzu 1,639 mu rwego rwo guhindura ahari imiturire itajyanye n’igishushanyo mbonera hakavuka umudugudu uteguye neza.
Urwego rw’Igihugu rushinzwe Imiturire, RHA, rwahawe inshingano yo gutanga icyemezo cya nyuma ku mpushya zizwi nka Conditional Land Use Permits, zemerera umushinga gukoresha ubutaka mu buryo budateganyijwe nk’ubusanzwe muri zoning yabwo ariko bushobora kwemerwa hubahirijwe ibisabw
U Rwanda rwabaye igihugu cya mbere muri Afurika yo munsi ya Sahara cyinjiye muri Enterprise Europe Network, umuyoboro ugamije guhuza ibigo by’ubucuruzi n’amasoko, ubufatanye n’amahirwe y’ishoramari yo mu Burayi.
U Rwanda rwandikishije imishinga y’ishoramari ifite agaciro ka miliyari 2.62 z’amadolari mu 2025, mu mibare yatangajwe n’Urwego rw’Igihugu rw’Iterambere, RDB.
Isoko ry’Imari n’Imigabane rya Kigali ryatangije ubukangurambaga busaba banki n’ibigo by’ubwishingizi kwinjira ku isoko. Kuri iryo soko hari ibicuruzwa 151 n’abashoramari barenga 350.000.
Ikigega RNIT Iterambere cyizihije imyaka 10, umutungo gicunga wavuye kuri Frw miliyari 1 ugera kuri miliyari 86, kigira abanyamigabane barenga 350.000.
Reba internet yawe, hanyuma wongere ugerageze.
Ongera ugeragezeFungura JavaScript kugira ngo ukoreshe urubuga rwose.
Subira ahabanza