Ubucuruzi: amakuru agezweho mu Rwanda no ku isi yose binyuze kuri IBANZE.com.
Mu bacuruzi basaga 2000 bakoreraga mu isoko rya GOICO Plaza i Musanze ryibasiwe n’inkongi y’umuriro, abari bafite ubwishingizi bw’ibicuruzwa byabo ntibageraga kuri 20, nk’uko byatangajwe na Banki Nkuru y’u Rwanda (BNR).
Ubushomeri mu Rwanda bwazamutse bugera kuri 15,6% mu gihembwe cya gatatu cya 2026, buvuye kuri 13,4% mu gihembwe nk’iki cya 2025, mu gihe urubyiruko n’abagore bakomeje kugaragaramo igipimo kiri hejuru kurusha abandi.
Minisitiri w’Intebe, Dr. Nsengiyumva Justin, yifatanyije n’abandi bayobozi b’ibihugu byo mu karere mu nama ya 25 y’Abakuru b’Ibihugu na za Guverinoma bigize COMESA.
Ikawa y’u Rwanda yongeye kwandika amateka ku isoko mpuzamahanga, nyuma y’uko ikiro kimwe cy’ikawa cyagurishijwe amadolari 452 muri cyamunara yo kuri murandasi ya Best of Rwanda 2026.
Urwego rushinzwe Iterambere mu Rwanda (RDB) rwatangaje ko ibiciro bya serivisi zo kurengera umutungo bwite mu by’ubwenge byavuguruwe, mu rwego rwo gushyira mu bikorwa Iteka rya Minisitiri w’Ubucuruzi n’Inganda ryatangiye gukurikizwa ku wa 13 Ukwakira 2026.
U Rwanda rwemeje amasezerano agenga ingendo zo mu kirere hagati yarwo n’ibihugu icyenda birimo u Bwongereza, agamije gushyiraho uburyo bw’amategeko buzafasha indege zitwara abagenzi n’imizigo gukora ingendo hagati y’ibyo bihugu.
Urwego rw’Igihugu rushinzwe Mine, Peteroli na Gazi, RMB, rwibukije abafite impushya zo gucukura amabuye y’agaciro, gukora ubushakashatsi, gucuruza no gutunganya amabuye y’agaciro ko bagomba kubanza gusaba uruhushya mbere yo kwimura imigabane cyangwa impushya zabo.
Guverinoma y’u Rwanda yijeje ubufatanye mu gusana isoko rya GOICO Plaza riherereye mu Mujyi wa Musanze, ryibasiwe n’inkongi y’umuriro yangije ibifite agaciro kagereranywa na miliyari 30 Frw.
U Rwanda na IMF baganiriye ku cyerekezo cy’ubukungu bw’igihugu, izamuka ry’ibiciro n’ingamba zo gukomeza guteza imbere ubukungu burambye no guhangana n’imbogamizi zishobora kubugiraho ingaruka.
Huye imaze igihe izwi cyane nk’igicumbi cy’uburezi n’umuco, ariko ubuyobozi bwayo burashaka ko iyo sura yaguka, ikaba n’ahantu hakurura ishoramari. Amahirwe agaragazwa ari mu macumbi, gutunganya umusaruro w’ubuhinzi, inganda, ubukerarugendo n’ibikorwa remezo.
Fabrice Shema Ngoga yeguye ku buyobozi bw’Ishyirahamwe ry’Umupira w’Amaguru mu Rwanda (FERWAFA), nyuma y’amezi 13 gusa atorewe kuriyobora. Ubwegure bwe buje nyuma y’ibyumweru byaranzwe n’ikibazo cy’amategeko cyaturutse ku bikorwa bye bwite by’ubucuruzi, cyaje kurangira yemeye ibyaha mu masezerano yagiranye n’Ubushinjacyaha.
Ubwato MT Sea Wolf bwageze ku cyambu cya Mombasa muri Kenya butwaye toni 40,000 z’ibikomoka kuri peteroli byatumijwe na Rwanda National Energy Company (RNEC), biba icyiciro cya mbere cy’ibikomoka kuri peteroli u Rwanda rwakiriye binyuze mu masezerano mashya yo gukoresha Umuhora wa Ruguru muri EAC.
U Rwanda na Pakistan byasinyiye i Kigali amasezerano y’ubwumvikane agamije koroshya no kwagura ubucuruzi, mu ihuriro ry’ishoramari ryahuje inzego za Leta n’abikorera b’ibihugu byombi.
Ibura rya hato na hato ry’umuriro w’amashanyarazi ni kimwe mu bibazo u Rwanda rugihanganye na byo, ndetse byakunze no kwigagaragaza muri ibi bihe by'impeshyi birangiye. Minisiteri y'Ibikorwaremezo yabitanzeho umucyo ko hari imishinga irimo gushyirwa mu bikorwa kugira ngo u Rwanda rwongere ingano y’amashanyarazi rukora.
Abajyanama mu iterambere ry’ubucuruzi (BDAs) bo mu turere dutatu tw’Umujyi wa Kigali basoje amahugurwa ya PEG, ari mu gahunda yagutse igamije kongerera ubushobozi abajyanama 565 bo mu gihugu hose kugira ngo barusheho gufasha ba rwiyemezamirimo.
Ikigo Paramount Skydance cyateye indi ntambwe ikomeye mu rugendo rwo kwigarurira Warner Bros. Discovery, nyuma yo kumvikana na Leta ya California n’izindi 11 zo muri Amerika zari zaritabaje inkiko zisaba ko aya masezerano afite agaciro ka miliyari $110 ahagarikwa. Ubu bwumvikane burakuraho imwe mu nzitizi zikomeye zari zisigaye mbere y’uko igikorwa cyo guhuza ibi bigo byombi gisozwa.
U Rwanda rugiye kugira uruganda ruteranya imodoka zikoresha amashanyarazi, nyuma y’uko Inama y’Abaminisitiri yemeje amasezerano y’ishoramari hagati ya Guverinoma y’u Rwanda na Chery Holding Rwanda Ltd. Uyu mushinga uje nyuma y’uko Chery yari imaze kwinjira ku isoko ry’u Rwanda, ikanafungura aho imurikira imodoka zayo i Kigali.
Zhang Yiming, washinze ByteDance, ikigo kiri inyuma ya TikTok, yabaye umuntu ukize kurusha abandi muri Aziya.
Umujyi wa Kigali wafunze igaraji na parikingi y’imodoka izwi nka “Parking Car Garage”, iherereye inyuma y’Isoko rya Nyabugogo Modern Market, nyuma y’ubugenzuzi bwagaragaje ibibazo bikomeye by’isuku n’imicungire y’amazi yanduye.
Abaturage batuye ku Kirwa cya Nkombo mu Karere ka Rusizi batangiye gukoresha ubwato bushya bwa Water Taxi, bwashyizweho mu rwego rwo kuborohereza ingendo no gutwara imizigo hagati y’iki kirwa n’ibindi bice bya Rusizi.
Umujyi wa Kigali watangaje ko ufite gahunda yo gutangira gukodesha inzu zo guturamo mu rwego rwo kugira ngo abaturage bakomeza kubona inzu bakodesha mu buryo budahenze.
Abanyamideli umunani bo mu Rwanda bamuritse ibihangano byabo i Londres mu Bwongereza mu gikorwa “Rwanda on Regent Street”, cyabereye kuri Regent Street ku wa 3 Nyakanga 2026.
U Rwanda rwabaye igihugu cya mbere muri Afurika yo munsi ya Sahara cyinjiye muri Enterprise Europe Network, umuyoboro ugamije guhuza ibigo by’ubucuruzi n’amasoko, ubufatanye n’amahirwe y’ishoramari yo mu Burayi.
SKOL Brewery Ltd yatangaje ko amasezerano y’ubuterankunga bukuru yari ifitanye na Rayon Sports Association yarangiye nyuma y’uko igihe yari yaragenewe kirangiye, ariko ishimangira ko ibiganiro ku mikoranire mishya bikomeje.
Ikigo cy’Imisoro n’Amahoro, RRA, cyahaye abacuruzi b’ibikomoka kuri peteroli iminsi 30 yo gukura mu bubiko lisansi na mazutu imazemo amezi arenga atandatu, ingana na litiro 1.993.750 bakayisorera ikajya ku isoko igacuruzwa.
Reba internet yawe, hanyuma wongere ugerageze.
Ongera ugeragezeFungura JavaScript kugira ngo ukoreshe urubuga rwose.
Subira ahabanza