Ubukungu: amakuru agezweho mu Rwanda no ku isi yose binyuze kuri IBANZE.com.
Minisitiri w’Intebe, Dr. Nsengiyumva Justin, yafunguye ku mugaragaro imurikagurisha rya 26 ry’ibigo by’ubucuruzi bito n’ibiciriritse byo mu Muryango wa Afurika y’Iburasirazuba (EAC), ribera i Gikondo mu Mujyi wa Kigali, ahasanzwe habera imurikagurisha.
Ikigo cy’u Rwanda gishinzwe Ingufu (REG) cyagaragaje amafoto yafatiwe mu kirere yerekana aho imirimo yo kubaka urugomero rw’amashanyarazi rwa Nyabarongo II igeze, rukaba rwitezweho kongera megawati 43,5 ku bushobozi bw’u Rwanda bwo gutunganya amashanyarazi.
Iteka rishya rya Minisitiri w’Imari n’Igenamigambi ryashimangiye ko umukozi wa Leta uzateza igihombo cy’amafaranga cyangwa cy’umutungo wa Leta azajya acyishyura, rinagena uburyo bwo kugikurikirana n’uko kizishyurwa.
Banki Nkuru y’u Rwanda (BNR) yongereye kugeza ku wa 30 Ugushyingo 2026 igihe cyo guhinduriza mu bigo by’imari inoti za kera z’amafaranga 500, 1.000, 2.000 na 5.000 Frw zakuwe ku isoko, nyuma y’uko igihe cyari cyarateganyijwe kirangiye ku wa 1 Ugushyingo 2026.
Urwego rw’Igihugu rw’Iterambere (RDB) rwasinyanye amasezerano y’ishoramari n’ibigo bya Ecofleet Solutions Ltd na Chery Holding Rwanda Ltd, agamije gushinga uruganda ruteranyirizwamo imodoka zikoresha amashanyarazi mu Rwanda, mu rwego rwo guteza imbere inganda zo mu gihugu n’ubwikorezi butangiza ibidukikije.
Christine Lagarde yatangaje ko azava ku buyobozi bwa Banki Nkuru y’u Burayi mbere y’uko manda ye irangira, avuga ko ashaka kugira ubwisanzure bwo gutanga ibitekerezo ku bibazo bitari ibijyanye na politiki y’ifaranga. Gahunda yo gushaka uzamusimbura yamaze gutangira.
Leta y’u Rwanda n’ibindi bigo bitatu byasabye KT Corporation yo muri Koreya y’Epfo indishyi za miliyoni 386 z’amadolari ya Amerika, mu makimbirane ashingiye ku masezerano y’imigabane mu mushinga w’umuyoboro wa 4G. Iki kirego ni igisubizo ku kindi KT yari yabanje gutanga, kandi nta ruhande rurafatirwa umwanzuro.
Inama y’Abaminisitiri yemeje Mukashyaka Claudette nk’Umugenzuzi Mukuru w’Imari ya Leta, asimbuye Kamuhire Alexis wari umaze imyaka itanu kuri uwo mwanya, mu gihe Kubwimana Gratien yagizwe Umugenzuzi Mukuru Wungirije.
Inama y’Abaminisitiri yemeje ko Ikigo gishinzwe Mine, Peteroli na Gazi mu Rwanda (RMB) gikurwa munsi y’Urwego rw’Igihugu rushinzwe Iterambere (RDB), kikajya gikora nk’ikigo gifite ubwigenge n’ubwisanzure, nyuma y’amezi 15 gishyizwe mu nshingano za RDB.
Ibigo by’ubwishingizi mu Rwanda biri guhindura amasezerano yabyo kugira ngo ajye aboneka mu Kinyarwanda, abakiriya basobanukirwe ibyo basinya. Banki Nkuru y’u Rwanda (BNR) yo ivuga ko byatinze, kuko itegeko ribisaba rimaze hafi imyaka itatu.
Abahinzi n’aborozi 6% ni bo bari mu bwishingizi bw’ibihingwa n’amatungo mu Rwanda, mu gihe Leta yifuza ko bagera kuri 30% mu 2029, nk’uko Minisiteri y’Ubuhinzi n’Ubworozi, MINAGRI, ibitangaza.
Mu bacuruzi basaga 2000 bakoreraga mu isoko rya GOICO Plaza i Musanze ryibasiwe n’inkongi y’umuriro, abari bafite ubwishingizi bw’ibicuruzwa byabo ntibageraga kuri 20, nk’uko byatangajwe na Banki Nkuru y’u Rwanda (BNR).
Ubushomeri mu Rwanda bwazamutse bugera kuri 15,6% mu gihembwe cya gatatu cya 2026, buvuye kuri 13,4% mu gihembwe nk’iki cya 2025, mu gihe urubyiruko n’abagore bakomeje kugaragaramo igipimo kiri hejuru kurusha abandi.
Minisitiri w’Intebe, Dr. Nsengiyumva Justin, yifatanyije n’abandi bayobozi b’ibihugu byo mu karere mu nama ya 25 y’Abakuru b’Ibihugu na za Guverinoma bigize COMESA.
U Rwanda rugiye kongera imbaraga mu gukurura abashoramari mpuzamahanga, nyuma y’uko Urwego rw’Igihugu rw’Iterambere (RDB) rusinyanye amasezerano n’ikigo Raffles Family Office (RFO) cyo muri Aziya, agamije gushakira igihugu ishoramari rishya rya miliyoni amagana z’amadolari ya Amerika mu myaka iri imbere.
Umwenda rusange ku rwego rw’Isi wageze kuri tiliyari zisaga 365 z’amadolari ya Amerika mu mezi atandatu ya mbere ya 2026, nyuma yo kwiyongeraho tiliyari 10 z’amadolari, ibintu bikomeje gutera impungenge ku hazaza h’ubukungu bw’Isi.
Ikawa y’u Rwanda yongeye kwandika amateka ku isoko mpuzamahanga, nyuma y’uko ikiro kimwe cy’ikawa cyagurishijwe amadolari 452 muri cyamunara yo kuri murandasi ya Best of Rwanda 2026.
Ubwenge buhangano (AI) bukomeje guhindura uburyo abashoramari bashakisha amakuru ku mpapuro z’agaciro, uko abahuza mu isoko ry’imari bavugana n’abakiriya babo, ndetse n’uburyo inzego zishinzwe kugenzura iri soko zisesengura amakuru.
U Rwanda na IMF baganiriye ku cyerekezo cy’ubukungu bw’igihugu, izamuka ry’ibiciro n’ingamba zo gukomeza guteza imbere ubukungu burambye no guhangana n’imbogamizi zishobora kubugiraho ingaruka.
Banki Nkuru y’u Rwanda, BNR, yamuritse Politiki y’Ifaranga n’Umutekano w’Urwego rw’Imari (Monetary Policy and Financial Stability Statement) igaragaza ko izamuka ry’ibiciro ku rwego rw’Isi riteganyijwe kwiyongera mu 2026, mbere y’uko ritangira kugabanuka mu 2027.
Umujyi wa Kigali n’umujyi wa Modi’in-Maccabim-Re’ut wo muri Israel yashyize umukono ku masezerano agamije kungurana ubunararibonye mu iterambere ry’imijyi.
Ibihugu birindwi bikize kurusha ibindi bizwi nka G7 byemeranyije gufata ingamba zihuriweho zo guhangana n’izamuka ry’ibiciro by’ibikomoka kuri peteroli, birimo kurekura ku isoko miliyoni 100 z’utugunguru mu gihe cy’amezi ane.
Ikigo Trinity Metals cyatangaje ko cyakoze iturika rya mbere rigenzurwa mu kirombe cya Musha i Rwamagana, intambwe igamije kwihutisha imirimo yo kugera ku mabuye ya ‘tin’ ari kure mu kuzimu no kongera igihe iki kirombe kizakomeza gukora.
U Rwanda rurimo gusuzuma uburyo abakozi bo mu bucukuzi bw’amabuye y’agaciro na kariyeri bajya bahabwa amafaranga igihe imvura nyinshi ihagaritse akazi kabo. Gahunda y’ubwishingizi irimo kwigwa ishobora gutanga hagati ya Frw 15,000 na Frw 25,000 ku gihe cy’imvura cyujuje ibipimo byagenwe, amafaranga akagezwa ku mukozi bitarenze ibyumweru bibiri.
Umushinga wa miliyari 16$ wo kubaka uruganda rwa Dangote rutunganya peteroli i Lamu muri Kenya watangijwe ku mugaragaro, biteganyijwe ko ruzajya rutunganya utugunguru 700,000 ku munsi. Perezida Paul Kagame yahagarariwe muri uwo muhango na Minisitiri w’Ubucuruzi n’Inganda, Antoine-Marie Kajangwe, mu gihe u Rwanda rwamaze kugaragaza ko rushishikajwe no kugira imigabane muri uyu mushinga.
Huye imaze igihe izwi cyane nk’igicumbi cy’uburezi n’umuco, ariko ubuyobozi bwayo burashaka ko iyo sura yaguka, ikaba n’ahantu hakurura ishoramari. Amahirwe agaragazwa ari mu macumbi, gutunganya umusaruro w’ubuhinzi, inganda, ubukerarugendo n’ibikorwa remezo.
U Rwanda rwaje ku mwanya wa mbere mu bihugu 40 byo muri Afurika yo munsi y’Ubutayu bwa Sahara byasuzumwe na Banki y’Isi mu bijyanye na politiki n’imikorere y’inzego, rugira amanota 4,2 kuri 6 ashoboka.
Ubwato MT Sea Wolf bwageze ku cyambu cya Mombasa muri Kenya butwaye toni 40,000 z’ibikomoka kuri peteroli byatumijwe na Rwanda National Energy Company (RNEC), biba icyiciro cya mbere cy’ibikomoka kuri peteroli u Rwanda rwakiriye binyuze mu masezerano mashya yo gukoresha Umuhora wa Ruguru muri EAC.
Manchester City yahamijwe n’akanama kigenga kurenga ku mabwiriza y’imari ya Premier League ku birego 114 muri 115 yari ikurikiranyweho. Ibihano ntibirafatwa, mu gihe iyi kipe ivuga ko inzira y’urubanza itararangira kandi biteganyijwe ko izajuririra uwo mwanzuro.
Mu muganda usoza Nzeri wo kurinda umugezi wa Rwebeya i Musanze, Minisitiri Consolée Uwimana yavuze ko inzoga z’ibyuma “zatugejeje ahantu habi”, naho Umuvugizi wa RIB, Dr. Thierry B. Murangira, asaba abakizihishe kuzishyikiriza ubuyobozi ku bushake.
Minisitiri Dr. Telesphore Ndabamenye yakiriye Dr. Ousmane Badiane uyobora AKADEMIYA2063, baganira ku gukoresha amakuru n’isesengura mu gushyira mu bikorwa PSTA5 no kongera serivisi z’ikoranabuhanga mu mirima ya FoBaSi. MINAGRI n’iki kigo gifite icyicaro i Kigali basinyanye amasezerano y’ubufatanye mu 2021.
Minisitiri w’Abakozi ba Leta n’Umurimo, Judith Uwizeye, yakiriye intumwa z’Umuryango Nyarwanda w’Imicungire y’Abakozi (RHRMO), baganira ku kunoza ubufatanye no guteza imbere ubunyamwuga mu micungire y’abakozi mu Rwanda.
Ku Munsi Mpuzamahanga wahariwe Amakoperative wizihirijwe i Kayonza ku wa 25 Nzeri 2026, Minisitiri Antoine Kajangwe yasabye Abanyarwanda gukorera hamwe no gucunga neza amakoperative, mu gihe RCA yatangaje ko 3.904 muri 11.019 yabarurwaga yasanzwe ari baringa.
Icyiciro cya kabiri cya Gahunda y’Igihugu yo Kwihutisha Iterambere (Second National Strategy for Transformation, NST2) cyemejwe muri Kanama 2024, gitangira gushyirwa mu bikorwa muri Nzeri 2024.
Atangiza inama mpuzamahanga ku ikawa (Global Coffee Conference 2026) i Kigali, Minisitiri Consolée Uwimana yagaragaje ko ikawa y’u Rwanda yinjije miliyoni 148,6 z’amadolari, asaba ubufatanye kugira ngo abagore bayihinga babone igishoro, ubutaka n’amasoko, na bo bungukire muri iryo terambere.
Minisitiri w’Imari n’Igenamigambi, Yusuf Murangwa, yakiriye Ambasaderi wa Misiri mu Rwanda, Hanan AbdelAziz Elsaid Shahin, baganira ku buryo bwo kurushaho gushimangira ubufatanye bw’ibihugu byombi, hashize umwaka u Rwanda na Misiri bisinye amasezerano mashya y’ubufatanye.
Minisitiri w’Imari n’Igenamigambi, Yusuf Murangwa, yagaragarije Komisiyo y’Ingengo y’Imari n’Umutungo bya Leta mu Mutwe w’Abadepite ibyagezweho, imbogamizi n’amasomo byavuye muri MTRS I, gahunda yari igamije kongera imisoro ho 1% bya GDP hagati ya 2021 na 2024.
MINAGRI iri gutegura kwandika amatungo yo mu gihugu hose hifashishijwe urubuga rw’ikoranabuhanga AMIS/iHaze. Abashinzwe ubworozi mu turere n’ibigo bya VSM, bari mu bakoresha b’ingenzi b’ubu buryo, bari mu mahugurwa ngiro i Rubona.
Ibura rya hato na hato ry’umuriro w’amashanyarazi ni kimwe mu bibazo u Rwanda rugihanganye na byo, ndetse byakunze no kwigagaragaza muri ibi bihe by'impeshyi birangiye. Minisiteri y'Ibikorwaremezo yabitanzeho umucyo ko hari imishinga irimo gushyirwa mu bikorwa kugira ngo u Rwanda rwongere ingano y’amashanyarazi rukora.
Minisitiri w’Ubuhinzi n’Ubworozi, Dr. Telesphore Ndabamenye, yatangije i Gisagara imirimo y’umushinga wa Giseke wa miliyoni 47 z’amadolari, wubakwa ku nguzanyo y’u Bushinwa. Uzubaka urugomero ruzabika metero kibe miliyoni 6,5 z’amazi n’imiyoboro izageza amazi ku buso bwa hegitari 3.000.
Reba internet yawe, hanyuma wongere ugerageze.
Ongera ugeragezeFungura JavaScript kugira ngo ukoreshe urubuga rwose.
Subira ahabanza